सिटीझनशिप.....

अमेरिकेत आल्यावर जास्त काळ रहायचे असल्यास वर्क व्हिसा, रेसिडँट कार्ड सिटीझनशिप या चक्रातून सगळे जात असतात. हे केले म्हणजे व्हिसा ची कटकट रहात नाही. जगात फिरताना बरेच ठिकाणी व्हिसा घ्यावा लागत नाही हा दुसरा मोठा फायदा. काही नोकरीच्या ठिकाणी जरूरी असते सिटीझनशिपची.

नुकतीच अमेरिकन सिटीझनशिप साठी परिक्षा दिली. या लोकांनी सगळे पद्धतशीर करून ठेवले आहे. कागदपत्र खूप मागतात. कंटाळा .ेईपर्यंत. त्यानंतर फिंगरप्रिंट घेतात...९ प्रकारचे फिंगरप्रिंटस स्टॆडर्ड मानले जातात. आमचे घोडे तिथेच अडले. २ वेळा त्यांनी प्रयत्न केला मग बहुदा आहे त्यावर समाधान मानले. मागच्या वेळेस पोलिस स्टेशन वरून पत्र आणायला लागले होते ( काय काय करावे लागते...) आशा केसेस मध्ये प्रिंटस बघायला लागले तर काय करतात कोणास ठाउक... हाताला जास्त क्रिम लावले तर, जास्त साबण लावला तर असे होते आशा अनेक अफवा आहेत. यानंतर १०० प्रश्न आभ्यासाला देतात आणि त्यातले १० प्रश्नांची उत्तरे अपेक्षित असतात. १-२ अगदी सोपी वाक्ये लिहायला देतात. एक मात्र नक्की या देशाबद्दल, तिथला बेसिक इतिहास भूगोल व गव्हर्नमेंट याची माहिती होते - माझ्यासारख्या इतिहास न आवडणारे असताताच ना...

ही सगळी तयारी चालू असताना सहज मनात विचार आला की भारतात कशी असते ही प्रक्रिया. ही परिक्षा घेतात का... तिथे काय परिस्थिती आहे...तसेही भारतात घुसखोर खूप आहेत. व्हिसा सारखे कागदपत्र कितपत तपासले जातात माहित नाही. आजकाल आयडेंटिटी कार्ड सारखे कार्ड देणार आहेत असे वाचनात आले होते. यांच्याप्रमाणे भारताहद्दल जर टेस्ट तयार केली तर कशी असेल असा बसल्या बसल्या विचार करत होते... त्यातून हे प्रश्न डोक्यात आले....

१. भारताची घटना कधी लिहिली
२. सर्वात लांब नदी कोणती
३. कारगिल युद्धाच्या वेळी कोण पंतप्रधान होते
४. भारतात किती राज्ये आहेत
५. टॆक्स भरण्याची शेवटची तारीख काय
६. पाकिस्तान बरोबर किती युद्ध झाली
७. मुक्तिविहिनी ची स्थापना कोणी केली
८. पंतप्रघान व उप पंतप्रधान यांची नावे सांगा
९. आपले राष्ट्रपिता कोण
१०. लोकसभेत किती जागा असतात
११. तुमच्या गव्हर्नर चे नाव
१२. २ क्रांतिकारकांची नावे
१३. आपली आॆफिशिअल भाषा कुठली आहे
१४. राष्ट्रपतींचे नाव
१५. भारतावर आक्रमण केलेल्या दोन सत्ता
१६. पद्मविभूषण मिळालेल्या २ व्यक्ति
१७. सर्वात उंच शिखर
१८. सह्याद्रीतले २ किल्ले
१९. भारतात नांदणारे २ धर्म
२०. आदिवासींच्या २ जाति
२१. राज्यसभेत किती मेंबर्स असतात
२२. आपले राष्ट्रगीत व त्याचे लेखक
२३. झेंड्यावर चे ३ रंग काय सांगतात
२४. २ थंड हवेची ठिकाणे
२५. राजकारणातील २ प्रमुख पार्टीज
२६. पश्चिमेकडे असलेला समुद्र
२७. पूर्वेकडे असलेला समुद्र
२८. २ सार्वजनिक सुट्ट्या
२९. २ प्रेक्षणिय स्थळे
३०. मुख्यमंत्रयांचे नाव
३१. ब्रिटीश भारतात येण्याचे कारण
३२. लोकमान्य टिळकांचे कार्य
३३. भारताचे घटनाकार
३४. ताजमहाल कुठे आहे
३५. मतदान करण्यासाठी कगती वय लागते
३६. २ भारतरत्न
३७. पहिले पंतप्रधान कोण
३८. २ क्रिकेट खेळाडूंची नावे

साधारण अशा प्रकारचे प्रश्न विचारतात .....

काही वाचनीय .... इंडिया अनव्हेलड

काही वाचनीय .... इंडिया अनव्हेलड

काही वर्षापूर्वी हे पुस्तक बघितले होते. त्या वेळेस अमेरिकन लेखकाने लिहिलेले पुस्तक आहे, ठीक आहे असे म्हणून नीट लक्ष देउन बघितले नव्हते. परत ते २-३ दा पाहिले - पाहिले कारण यातले फोटो अतिशय छान आहेत. दर वेळेस अधिकाधिक आवडत गेले. साहजिकच मग ते वाचले गेले. आणि आता संग्रही पण आहे.

बाॆब अर्नेट नावाच्या लेखकाचे हे पुस्तक आहे. त्याच्या कामाच्या ठिकाणी एका भारतीय माणसाशी त्याची ओळख झाली. त्याच्याकडून योगा बद्दल माहिती घेतली. त्याने प्रभावित होउन भारताची वारी झाली. त्यानंतर ५-६ वेळा वेगवेगळ्या भागात फिरणे झाले आणि त्यातून हे पुस्तक तयार झाले. ५ भागात आपला देश विभागून त्याचा आढावा घेतला आहे.

आजकाल टूरिझम वाढला आहे तरीही आपण ठराविक भागातच फिरायला जातो. हा मनुष्य कुठे कुठे फिरला आहे. अगदी साघ्या लोकांच्या घरात राहून अतिथी देवो भव चा अनुभव घेतला आहे. आपल्या चालीरीती सण हे सगळे घरात राहून नीट बघितले आहेत. हिंदु फिलाॆसाॆफी सोप्या शब्दात लिहिली आहे. वेस्टर्नर्सना काय वाटते हे त्याला चांगले माहित आहे त्यांना आपल्या धर्माबद्दल पडणार्या प्रश्र्नांना छान उत्तरे दिली आहेत. आपले अनेक देव, आनेक भाषा, गुरूबद्दल आदर, अरेंज मॆरेज, एकत्र कुटुंब पद्धती, योगाचे महत्व , वसुधैव कुटुंबकम ची कल्पना, हिंदु धर्माची सहिष्णुता , देव सगळ्या गोष्टीत असण्याची कल्पना या सगळ्या गोष्टी अगदी सोपे पणाने सांगितल्या आहेत.

फोटो फार सुंदर आहेत. काही फुल पेज आहेत. राजस्थान, हिमालय व अजंता इथले विशेष उल्लेखनीय... आपल्याला एका ठिकाणी भारताचे कोलाज बघायचे असेल तर हे पुस्तक उत्तम आहे. यात काही ठिकाणी अपुरी माहिती वाटते( आपले गड, वारी इ) पण आपला देश एवढा मोठा आहे की सगळे एका ठिकाणी लिहिणे तसे अवघडच.

you can chk pictures here या लिंक वर या पुस्तकातील कंटेंट व फोटो बघता येतील. जरूर बघा.

दुसरा धर्म कसा आहे हे नीट समजावून घेउन, दुसरा देश कसा आहे हे लोकांपुढे मांडणे हे नक्कीच अवधड काम आहे जे या लेखकाने चांगले पार पाडले आहे.

खूप माहिती नसल्याने हे पुस्तक कंटाळवाणे होत नाही. प्रत्येक ठिकाणी धर्म कसा प्रभाव पाडत गेला, हे छान लिहिले आहे.
हे पुस्तक वाचल्यावर नक्कीच आपण काही ठिकाणांना भेटी द्यायचे ठरवतो. संग्रही ठेवावे असे हे पुस्तक नक्कीच आहे.