नाच पाहुनी अति मी रमले....१

नाच पाहुनी अति मी रमले....

आजपर्यंत आम्ही बऱ्याच ठिकाणी फिरलो. तिथला प्रदेश, प्रेक्षणीय स्थळे बघताना त्या त्या प्रदेशातली कला ही बघायला मिळाली. नृत्याचे अनेक प्रकार बघितले. हे नाच त्यांच्या मूळ ठिकाणी जाउन बघायला मिळाले ही गोष्ट महत्वाची. साहजिकच त्या नृत्य प्रकाराची माहिती पण मिळत गेली. त्या नाचातून कपडे दागिने दिसतात व त्या देशाचे संगीतही ऐकता येते. असेच काही नृत्य प्रकार
हुला डान्स- हवाई
हवाई आणि हुला हे समीकरण डोक्यात पक्के बसलेले होते. हुला मध्ये पेले या देवतेचे स्मरण करतात. निसर्गाला धन्यवाद देतात. इथे बऱ्याच ठिकाणी जेवण व डान्स असा कार्यक्रम असतो. त्यात हुला व इतर आयलंडचे डान्स मिक्स केलेले असतात. सुरूवातीला लोकांना स्टेप्स शिकवतात. असे डान्स कमर्शिअल टाईपचे असतात. इथल्या राजाने हा डान्स टिकावा म्हणून बरीच मदत केली आहे. मार्केट मध्ये छोटे शोज होतात ते लोकांना फ्री असतात. या कलाकारांचा खर्च सरकार देते. त्यामुळे ही कला टिकून राहिली आहे. खूप स्पर्धा होतात. अगदी लहान मुलांपासून ते म्हातार्यांपर्यंत लोक हा नाच शिकताना दिसतात. नाचामधून एखादी गोष्ट सांगितलेली असते. प्रत्येक मुव्हमेंटला अर्थ असतो. (पाणी, हवा, समुद्र ई) गाण्यावर पोर्तुगीज छाप वाटते. नेहेमी लाईव्ह बँड बाजूला असतो. काही हालचाली इतक्या फास्ट असतात की बस......हात व हिप्स ्यांच्या हालचाली खूप असतात. गळ्यात पानाफुलांच्या माळा , कपडे अगदीच कमी...हा सगळा आजकालचा बाजारी पणा वाटला पण सगळी मंडळी अगदी मनमोकळी नाचत असतात. सुरूवातीला अगदी डिसेंट कपडे घालुन नाचत असत.
basic steps
traditional hula
commercial Hula

बेली डान्स - आम्ही सौदी अरेबियात काही वर्षे राहिलो होतो. तिथे असताना बेली डान्स बद्दल ऐकले होते. सौदीत अशा गोष्टीवर बंदी आहे. तिथून आम्ही इजिप्त ला गेलो तेव्हा क्रूज वर हा डान्स बघितला. मुस्लीम धर्मात इतकी बंधने असताना असा डान्स कसा हा प्रश्न मला अजून आहे. अरेबिक टोळ्यांमध्ये केव्हातरी याचा उगम झाला असावा. तुर्की, इजिप्त, इराण, लिबिया एकंदरीत मिडल इस्ट मध्ये हा प्रकार बघायला मिळतो. बेली, हिप्स आणि अपर पार्टस च्या मसल्स ची मूव्हमेंट यात दाखवतात. पहिल्यांदा पाहिल्यावर हा कसला डान्स असे वाटते पण करायला अवघड आणि स्किलवाला आहे हा प्रकार. अरेबिक म्युझिक व हा प्रकार टूरिस्टचे एक आकर्षण असते.
Belly dance

स्विस डान्स-
युरोप च्या ट्रीप वर असताना स्वित्झर्लंड मध्ये हा डान्स बघितला. मोठ्या पाईप्स वर प्रथम त्यांनी म्युझिक वाजवले. तिथे गाईंच्या गळ्यात अजूनही मोठ्या घंटा बांधतात त्या वापरून छान ट्यून्स ऐकवल्या. नंतर त्यांचा टिपीकल चेक्स चा ड्रेस घातलेले डान्सर आले व डान्स केला. या सगळ्या ठिकाणी दर्शकांना नेहेमी सहभागी करून घेत असत. चिकन डान्स ही झाला.
swiss dance
pipe n bells

या सगळ्या नाचात हाताच्या हालचालींना खूप महत्व आहे. त्या त्या देशातला निसर्ग, देव देवता यांचे वर्णन या नाचातून दिसते. नाच कुठलाही असो भाव प्रकट होणे महत्वाचे. आपल्याकडे जरा अंगभर कपडे घालून नाच केलेले दिसतात. पण अजून ठिकठिकाणी असे लावणी, कोळी डान्स किंवा इतर जुन्या प्रकारांचे प्रदर्शन दिसत नाही. ठराविक फेस्टीव्हल व गणपति यात दिसतात.
माझ्याकडे सगळे व्हिडिओज नाहीत त्यामुळे यू ट्यूब झिंदाबाद

आता पुढील भागात भारतातले काही नृत्यप्रकार....