वेदाबद्दल -- असाही एक वक्ता

परवा एके ठिकाणी वेद आणि हिंदू धर्म यावर एका अमेरिकन माणसाचे लेक्चर ऐकले. मी सहसा अशी भाषणे ऐकायला जात नाही कारण तिथे नवीन काही ऐकायला मिळत नाही. इथे बोलणारा अमेरिकन होता त्बामुळे विचार केला, बघू या, या लोकांचा व्ह्यू काय आहे ते. त्याची वेब साइट ही चांगली वाटली.

स्टीफन नप ( आता त्यांनी हिंदू धर्म स्वीकारला आहे. ख्रिश्चन व इतर अनेक धर्मांचा त्यांनी अभ्यास केला, हिंदू धर्मात खूप नाँलेज आहे असे वाटल्याने त्यानी हा धर्म स्वीकारला. आपल्या अनेक ग्रंथांचे वाचन केले. १७ पुस्तकांचे लेखन केले. हिंदू धर्म कमी करण्यासाठी कसे प्रयत्न चालू आहेत यावर ही त्यांनी एक पुस्तक लिहिले आहे. बेसिक गोष्टी ज्या मुलांना माहित हव्या त्यासाठी एक वेगळी लिंक वेबसाईट वर आहे. मी खूप साईटस बघते हिंदुइझम वर पण ही सगळ्यात चांगली वाटली. बेसिक गोष्टी यात चांगल्या लिहिल्या आहेत. त्यांच्या लिखाणात जागोजागी पुस्तकांचे संदर्भ दिले आहेत. भारतात २० वेळा लेक्चर साठी त्यांना बोलावले आहे. दुसरा धर्म स्वीकारून त्यांच्या समुदायापुढे माहितीपूर्ण भाषण करणे हे कौतुकास्पद वाटले.

अमेरिकेत वाढणारी आजकालची जी तरूण पिढी आहे त्याना बर्याच प्रश्नांना तोंड द्यावे लागते. आजकाल घरातून मुलांना संस्कार कमी मिळतात कारण तरूण पालकांना माहिती असतेच असे नाही. कारण कळल्याशिवाय तरूण मुले काही मान्य करत नाहीत (ही अतिशय चांगली गोष्ट आहे माझ्या मते). भारताबाहेर रहाताना आपल्या घर्माबद्दल बेसिक माहिती असणे आवश्.क आहे. यात पालकांची जबाबगारी जास्त आहे असे मला वाटते.कोणी तुम्हाला प्रश्न विचारला तर उत्तर देता आले पाहिजे. आणि हे उत्तर एकसारखे असले पाहिजे आपल्याकडे प्रत्येकाते मत वेगळे. भारतात मुलांची काय परिस्थिती आहे माहित नाही.

त्यांनी लिहिलेले क्राइम अगेन्स्ट इंडिया हे पुस्तक चांगले वाटले. वरवर बघता आपल्याला जाणवत नाही पण धर्म बुडवण्याचे पद्धतशीर प्रयत्न चालू आहेत. लोक बाटत आहेत. आता एकीकडे म्हणतात की भारतात खाण्याची कमतरता नाही पण याच कारणासाठी लोकांना बाटवले जात आहे. सरकार लक्ष घालेल तर काही होउ शकते. आपल्या धर्मात स्वातंत्र्य खूप असल्याने अनेक पंथ आणि विचार धारा निर्माण झाल्या आहेत त्यामुळे लोकांचे एकत्रिकरण अवघड झाले आहे.

आपल्या रोजच्या जीवनात फारसा फरक पडत नसल्याने धर्म या गोष्टीकडे फारसे लक्ष दिले जात नाही असे वाटते.