सात कप वड्या

सात कप वड्या-


या वीक एण्ड ला प्रवासाला जायचे म्हणून वड्या केल्या. प्रवासात तसेही सारखे चरणे चालूच असते. या वड्या लागतात छान म्हणून तुमच्या बरोबर शेअर करते. आणि हो करायलाही सोप्या.

साहित्य-

१ कप - बेसन
१ कप - नारळ (ओला - खवलेला)
१ कप - तूप (मी अर्धा च घेते)
१ कप - दूध
३ कप - साखर ( मी अडीच घेते)



क्रृति -

सर्व साहित्य एका नाँन स्टीक भांड्यात एकत्र करावे.
मिडिअम आचेवर २५ ते ३० मि ढवळावे.
साधारण गोळा होत आला की आच बारीक करावी.
सर्व बाजूने सुटायला लागल्यावर गँस बंद करावा.
५-१० मि थांबावे
अँल्युमिनिअम फाँईल वर तुपाचा हात लावून थापावे.
वड्या कापाव्यात.

साधारण ३०-३५ वड्या होतात.

तूप व साखर थोडी कमी घेते - तेवढेच मनाचे समाधान

बेसन वड्या करतानाच भाजले जाते. खाताना कघी त्या बेसनाच्या वाटतात तर कघी नारळाच्या.