Wednesday, February 10, 2010

मिशेल ऒबामा ...थँक्स

मिशेल ऒबामा ...थँक्स

काल लॅरी किंग च्या प्रोग्रॅम मध्ये मिशेल ओबामा यांचा इंटरव्ह्यू पाहिला. आणि एकदम छान वाटले.

फर्स्ट लेडी च्या नात्याने त्यांनी शाळेतले लंच पॊष्टिक करण्याचा निर्णय घेतला आहे. त्याबद्द्ल बिल पास करण्याच्या दृष्टीने पहिले पाउल टाकले आहे.

अमेरिकेत बहुते सगळी मुले शाळेत जे लंच मिळते ते खातात. म्हणजे दिवसातले मेन जेवण बाहेर होते ज्यात न्युट्रीशन कमी आणि फॅट खूप. जोडीला सोडा असतोच. चीजचा भरपूर वापर आणि भरपूर मिळते मग वजन वाढायला काय प्रॉब्लेम? ज्यूस देतात तो पण खूप साखरवाला. माझी मुलगी शाळेत जायची तेव्हा आम्ही बरीच चर्चा करायचो का हे शाळेत असे जेवण देतात? त्यावर उपाय म्हणून कधी घरचा डबा तर कधी शाळेतले असा उपाय होता.

इथल्या शाळकरी मुलांच्यात ओबिसिटी(जाडी) चे प्रमाण खूपच वाढले आहे.(दर ३ मुलांच्यात १ मुल जाड आहे) जर दुसरा उपाय शक्य असेल तर मुले ते खातील पण तो नाही. जाडीमुळे डायबेटिस चे प्रमाण वाढले आहे. बाहेर ही ज्या गोष्टी मिळतात त्या पण खूप फॅटी असतात. आणि लोकांचे बाहेर खायचे प्रमाण भरपूर. जंक फूड हे लहान मोठे सगळ्यांना पटकन आवडते. बरे शाळेच्या पॅनेलवर डॉक्टर असतात, न्युट्रीशनीस्ट असतात तरी असे का हे कळत नाही. बर्‍याच वेळा आपल्याला खूप काही करायचे असते पण आपण ते करू शकत नाही त्यातलाच हा प्रकार. आम्ही नुसतीच चर्चा केली.

कालचे भाषण ऎकून एवढे नक्की की पुढील ५-७ वर्षात शाळेत जरा चांगल्या गॊष्टी मुलांना खायला मिळतील. कारण हा निर्णय सरकारी पातळी वरून घेतला जाणार आहे आणि बरेच लोक त्यात सामील असतील. माझ्या दृष्टीने फ़र्स्ट लेडी म्हणून मिशेल ओबामा ने उचललेले हे पाउल अतिशय स्वागतार्ह आहे. (कदाचित मला बरेच दिवस जे करायचे होते ते आता होईल म्हणून)

Tuesday, February 9, 2010

कलियुगच ना हे..........

कलियुगच ना हे..........

भारतात निघण्यापूर्वी नेहेमीची कामे आटपत होते. टॅक्स भरणे, बिले भरणे ट्रॅव्हलर्स चेक्स काढणे वगॆरे वगॆरे.

भरीत भर म्हणून संप पंप मोडला(बेसमेंट मधले पाणी बाहेर टाकण्यासाठी हा वपरला जातो.) पंप गेल्याच वर्षी बदलला होता. लगेच नादुरूस्त झाला म्हणून फोन केला. थंडीच्या दिवसातच तो कसा बिघडतो माहित नाही. सकाळी माणूस आला त्याने सांगितले की त्यावर जो लेअर साठलाय(क्षारांचा) तो काढला पाहिजे ५-६ महिने झाले की. तो आल्यावर ५ मि त पंप चालू. म्हटले बिल किती तर म्हणाला व्हिझिट फी ९० डॉलर्स. मग माझ्या चेहेर्‍याकडे बघत म्हणाला आज मी काही पॆसे घेणार नाही कारण मी पंप बसवताना तुम्हाला हे सांगितले नव्हते. म्हट्ले अरे वा..९० डॉलर्स वाचले.

नंतर बॅंकेत गेले. ट्रॅव्हलर्स चेक्स घेताना चुकुन १२०० ऎवजी २२०० डॉलर्स दिले. काहीतरी गडबडीत १२०० डॉलर्स असे डोक्यात होते. तिला शिवाय वर ८०० डॉलर्स चा चेक देउन २००० चे ट्रॅव्हलर्स चेक्स मागितले. त्या मुलीने आत जाउन शांतपणे पॆसे मोजले आणि सांगितले तुम्ही १००० डॉलर्स जास्त दिलेत. नक्की कितीचे चेक्स देउ? तिला धन्यवाद देउन बाहेर पडले.(आजपर्यंत कधीही बॅंकेत पॆसे मोजले नाहीत )

कॉम्कास्ट च्या बिलात जास्त अमाउंट दिसली म्हणून चॊकशी केली तर कळले की एक स्कीम ३ म होती त्याची मुदत संपली म्हणून बिल जास्त आले आहे. त्याना सांगितले आम्हाला ही सेवा नको. तर चक्क वाढवलेले पॆसे ३ महिन्यानंतर कमी केले. हे म्हणजे टू मच झाले.

दुसर्‍या एका बिलात माझे पुढचे बिल त्यांना थोडे लवकर पोचले आणि ते माझ्या मंथली बिलात इफेक्ट दिसत नव्हता. मी त्यांना फोन करून विचारले आता किती बॅलन्स आहे? तर गोड आवाजात सॉरी म्हणून उरलेले ३-४ डॉलर्स माफ केले.

गेल्या २४ तासात या गोष्टी बघून वाटायला लागले का एकदम सगळे चांगले वागायला लागले? कलियुग संपले का?